"Өзүбүздүн картөшкөнүн айласын таппай жатып, Египеттен картөшкө сатып алабыз дегенге түшүнбөй жатам", - дейт коомдук ишмер Эмилбек Каптагаев. 

--"Ысык-Көл облусу жылына болжол менен 30-32 миң гектир жерге картөшкө айдайт. Бул деген 450-500 миң тонна товардык продукция. Жылда бир эле көйгөй - баасы кандай болот, кайда сатабыз? деген эле. Кайсы бир жылдары баасы чыкпай же сатып алуучу жак жок болуп миңдеген тонна чирийт, кокту-колотко төгүлөт.

Өзүбүздө өндүрүлгөн картөшкөнүн айласын таппай жатып, дыйкандарга өндүрүү жана сатуу боюнча ишенимдүү бир ооз сөз айта албай туруп тиги Египеттен картөшкө сатып алабыз деген демилгеге таптакыр түшүнбөй жатам.

Биздин дыйкандар буга эмне дейт? Же бул дагы эртең президент токтотуучу демилгелердин бириби? "Адегенде өзүбүз өндүргөн картөшкөнүн маселесин чечкиле" деп айтышы керекби?", - дейт коомдук ишмер. 

Булак: NazarNews.kg