Бүгүн, 30-апрелде Жогорку Кеңештин жыйынында депутат Максат Сабиров башка мамлекеттерде калкка акчалай жардам берилип жатканын айтып, эмне үчүн биздин өлкө акчалай жардам бере албайт деген суроону өкмөткө узатты.

Депутаттын суроосуна премьер-министр Мухаммедкалый Абылгазиев бюджет керек деп жооп берди.

“Казакстанда “үйдө отургула” деп ар бирине 100 доллардан таратышты. Эгер биз 100 доллардан таратсак 94 миң керек. Азык-түлүк менен эффективдүү болот деп ойлом. Акчаны алганда, бары бир ал азык-түлүк сатып алганы дүкөнгө барат. Ошондо “үйдө отур” деген принцип бузулат”,-деди премьер-министр.

Депутат максат Сабиров акчалай бериш керектигин айтып, азык-түлүктөрдү таратууда өзүнчө бизнес болуп жатканын кошумчалады.

Булак: NazarNews.kg