Түркиянын Украина-Орусия кризисинин соңуна чыгышы үчүн өз милдетин аткарууга даяр экенин белгилеген президент Эрдоган: "Биз Украинанын жана анын ичинде Крымдын эгемендигин, аймактык бүтүндүгүн колдоону улантуудабыз!", - деди.

Президент Эрдоган Украинанын президенти Владимир Зеленский менен өткөргөн биргелешкен маалымат жыйынында стратегиялык өнөктөш болгон Украина менен эки жылдык тыныгуудан кийин кайрадан кызматташып жаткандыгына абдан кубанычтуу экенин билдирди.

Буга кошумчалай: "Туркия тынчтыкты каалаган өлкө катары эки коңшу өлкөнүн Кара деңиздеги кризисин токтотуу үчүн өз милдетин толук аткарууга даяр. Мындан сырткары биз эки тараптуу кызматташуубузду ар бир тармакта бекемдейбиз!", - деп айтты.

Өлкөдө "BAYKAR Makina" учкучсуз учактарынын өндүрүшүн кеңейтээрин айткан Украинанын президенти Зеленский: "Президент Эрдоганга согушту токтотуу жолунда, Украина менен Орусиянын ортосунда арачы болуу демилгеси үчүн ыраазычылык билдиргим келет!", - деп кошумчалаган.

Булак: NazarNews.kg