Өзбекстандын президенти Шавкат Мирзиёев менен Түркиянын президенти Режеп Тайып Эрдогандын телефон аркылуу сүйлөшүүсү болуп өттү. Бул тууралуу Өзбекстандын президентинин басма сөз кызматы билдирди.

Телефондук сүйлөшүүлөрдүн жүрүшүндө ар тараптуу стратегиялык өнөктөштүктүн өзбек-түрк мамилелерин мындан ары чыңдоо жана көп кырдуу кызматташтыкты кеңейтүү маселелери каралды.

Аймактык аспектилерге токтолуп, эки өлкөнүн лидерлери август айынын башында Ташкентте Өзбекстан, Түркия жана Азербайжандын тышкы иштер, соода жана транспорт министрлеринин жолугушуусу ийгиликтүү өткөнүнө канааттангандыгын билдиришти. Бул форматта практикалык кызматташтыкты мындан ары өнүктүрүүнүн маанилүүлүгү баса белгиленди.

Ошондой эле, эл аралык жана аймактык түзүмдөрдүн, анын ичинде Түрк мамлекеттери уюмунун жана Шанхай кызматташтык уюмунун алкагында кызматташуу маселелери боюнча пикир алмашуу болду.

Буга кошо Конья шаарында өзбекстандык спортчулар катышып жаткан V Ислам тилектештиги оюндарын уюштуруу маселеси талкууланды.

Булак: NazarNews.kg