Филиппиндин түндүк - чыгышында таасирдүү болгон Тропикалык бороон- алып келген нөшөрлөгөн жамгыр жана селден улам каза болгондордун саны өсүүдө. Бул тууралуу ntdtv.ru жазып чыкты.

Каза болгондордун саны өсүүдө. 150 миңден ашуун адам үйлөрүн таштап кетүүгө аргасыз болушкан. Бул маалыматты Филиппин бийликтери берген.

Кырсык бейшемби күнү өлкөнүн түндүк-чыгыш жээгинде болгон. Нөшөрлөп жааган жамгыр негизги Лусон аралында кеңири жайылган суу ташкындарына жана жер көчкүлөргө алып келген. Бул Батангас провинциясы. Алар жер көчкү болгон жерден урандыларды чыгарып жатышат.

[Филиппин тургуну]:

— «Мен дүрбөлөңгө түштүм. Баламды издеп жүрдүм, жоголуп кетти. Мен бул жакка келип, үйлөрдүн баары ылайга көмүлүп калганын көрдүм. Дагы эки тургун үй-бүлөсүн ылайдан издеп жүргөн».

[Кеннет Лукас, куткаруучу]:

—  «Өзүңүздөр көрүп тургандай, суу ташкыны гана эмес, ылай жана чоң таштар да куткаруу аракеттерибизге тоскоол болууда".

Метеорологдор бороон-чапкын Кордильеранын түндүгүндөгү тоолуу аймагы аркылуу Батышты көздөй Түштүк Кытай деңизин көздөй жылып жатканын билдирди. Ошол эле учурда шамалдын максималдуу ылдамдыгы саатына 95 чакырымга жеткен. Кээ бир аймактарда суу үйлөрдүн чатырларына чейин жеткен. Он миңдеген эвакуациялангандар атайын борборлорго жайгаштырылган. Алардын көбү Биколдо.

Филиппинде жылына орточо эсеп менен 20 тропикалык бороон болот. Алар көбүнчө нөшөрлөгөн жамгырды, шамалды жана өлүмгө алып келген жер көчкүлөрдү алып келишет.

Ал эми трт.неттин берген маалыматына таянсак катуу шамалдан каза болгондордун саны 47си Батангас аймагында,  28зи Бикол аймагынан экендиги катталган. Бороондо 66 киши жараланып,  34 киши дайынсыз жоголгон. Селден  4 миллион  207  миң  387 киши таасиленип,  8 миң  432 үй зыян тартты.