Эрлис Тердикбаев генералы кѳп, жоокерлери аз кыргыз аскерин жетектейт. Тынч убакта жөткүрүп чыга калганы менен, азыркыдай кооптуу кырдаалдарда жашынып алабы ким билет дайны жок.

Бирок генерал Тердикбаевдин маршал болгусу келет. Ошондуктанбы, маршал болгусу келген Коргоо мамлекеттик комитетинин төрагасы Эрлис Тердикбаев жоокерлердин ысымын жатка билет. Керек болсо катардагы жоокер тууралуу «публицистикалуу мемуарларын» жарыкка чыгарган.

Аны менен катар  Коргоо министрлигин офицерлерине ачкыч тапшырам деп үнүн катуу чыгарган жайы да бар. Албетте, жаш офицерлерге ачкыч тапшырабы Эрлис Тердикбаевди теңир билет, бирок жаш жоокерлерге арнаган «мемуарлары» ушул заманда Ак үйдѳн бааланып, сыйлык алышы мүмкүн! Себеби, Ак үй «ийилген» генералдарды жакшы кѳрө баштады. Андан көрө Эрлис Тердикбаев ушундай кооптуу убакта элди коргобойбу? Же Эмил Бусурманкуловдун кадры болсо эле өз жанын коргойбу?

Азизбек КЕЛДИБЕКОВ, NazarNews.kg