Германиянын коргоо министрлигинде ачык эшиктер күнү өтүп, ага Кыргызстан дагы катышты. Бонн шаарында өткөн бул иш чарада боз үйү тигилип, көрүүчүлөргө кыргыздардын маданияты жана тарыхы жөнүндө маалымат берилди. Бул тууралуу аталган өлкөдөгү Кыргызстандын элчилигинен кабарлашты.

Аталган иш чарага 15 миңдей адам катышып, көпчүлүгү ичи-тышы Улуттук буюм-тайымдар менен кооздолгон боз үйгө суктанууларын билдиришкен.

Ошондой эле коноктору улуу жазуучу Чынгыз Айтматовдун чыгармачылыгы менен таанышып, кыргыздын улуттук тамак аштарынан даам татышты.

Булак: "5news.kg"