Кыргызстандын футбол боюнча улуттук курама командасынын жарым коргоочусу Гүлжигит Алыкулов Беларустун Жогорку лигасында ойногон гродненскилик "Неман" футболдук клубу менен 1,5 жылга келишим түздү. Бул тууралуу Кыргыз футбол союзу билдирет.

Маалыматка ылайык, "Неман" учурда Конференция лигасынын квалификациясынын үчүнчү раундунда. 2023-жылкы сезондо бул футболдук клуб Беларусь чемпионатында биринчи орунда турат. Анын капчыгында 10 жеңиш, эки тең чыгуу жана эки жолку жеңилүү бар. Алыкулов буга чейин да, 2019-жылдын сезонунда "Неманда" ойногон. 24 беттешке катышып, төрт гол киргизген.

Белгилей кетсек, Гүлжигит Алыкулов 2020-2023-жылдары казакстандык "Кайрат" клубунун курамында ойногон.

Булак: NazarNews.kg