Кытайдын түштүк жана түштук-батыш, борбордук жана чыгыш провинцияларында өткөн айдын орто ченинен баштап нөшөрлөп жаап жаткан жамгыр жана Японияны каптаган сел кеминде 40 миллион адамдын жашоосун бузду. Анын ичинен 35 миллиону Кытайда, 5 миллиону Японияда. Бул тууралуу чет элдик басылмалар жазып чыкты.

Маалыматка ылайык, азыркы тапка чейин табигый кырсыктан Кытайда 200гө жакын адам, Японияда 50дөн ашуун адам каза таап, ондогону дайынсыз болууда. Кытайдын Хубэй провинциясында селден миллиондогон адамдар жабыр тартышты. Куткаруучулар жабыркагандарга жардам беришүүдө. 

Булак: NazarNews.kg