www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Япония ПРООНдун демилгесин колдоп, саламаттыкты сактоо тутумун чыңдоо, социалдык жана экономикалык туруксуздуктун алдын алуу жана жумушка орноштуруу долбооруна 1,2 миллион доллар бөлүүнү чечти. Бул тууралуу ПРООНдун басма сөз кызматы билдирди.
«Коронавирус илдети Кыргызстанда кайрадан күчөп жатат, андыктан кышында вируска туруштук берүү үчүн даярдыктарды көрүү керек. Акыркы 8 айда кыргыз коомуна жана экономикасына келтирилген эбегейсиз зыяндын ордун толтуруу жана калыбына келтирүүнү келечектеги өнүгүү менен байланыштыруу дагы маанилүү», - деп билдирди Япониянын Кыргызстандагы Атайын жана Ыйгарым укуктуу Элчиси Шигеки Маэда.
Элчи Япония коронавирус кризисинен чыгуу үчүн эл аралык уюмдар менен кызматташууну уланта берээрин белгиледи.
«Биз саламаттыкты сактоо тутумун чыңдоо, ошондой эле Кыргызстандагы коронавируска байланыштуу социалдык-экономикалык көйгөйлөрдү чечүү боюнча бир катар иш-чараларды жүргүзөбүз. Биздин максатыбыз - келечекте COVID-19 пандемиясы сыяктуу жана башка кризистерге каршы жардам берүү», - деди ПРООНдун Кыргыз Республикасындагы туруктуу өкүлү Луиза Чемберлен.
Булак: NazarNews.kg
< Предыдущий
Следующий >
Последние новости
