Коронавирус чыккан Япониядагы круиздик лайнер карантинден чыгарылды. Бул тууралуу чет элдик маалымат булактары жазып чыкты.

Маалыматка караганда бүгүн, 19-февраль күнү кемеден коронавирус жуктурбаган 500гө жакын адам кое берилген.

Белгилей кетсек, 3,7 миң жүргүнчүсү менен саякатка чыккан Diamond Princess кемеси, 5-февралдан бери  карантинге алынган. Себеби, кемеде эс алып жүргөн бир кишиден коронавирус чыгып, вирус башка адамдарга дагы жугушу мүмкүн деген негизде 2 жумага карантинге алынган.

Жыйынтыгында, тумоо 540 адамга жукканы маалым болду.

Эске салсак, аталган лайнерде бир кыргызстандык жаран жана 4 казак жараны бар экени белгилүү болгон. Аларга тумоо жукпагандыгы жана ден соолуктары жакшы экени маалымдалган.

Булак: NazarNews.kg