Индонезиянын Ява аралында жекшембиде Семеру жанар тоосу атылды. Бул тууралуу өлкөнүн Өзгөчө кырдаалдар мекемеси билдирди.

Маалыматка ылайык, анын кесепетинен 14 киши каза болуп, 56сы жараат алды.

Тоо эртең менен атыла баштаган, айланадагы айылдардын тургундары коопсуз жерлерге качууга арасыз болду.

Жолдор менен көпүрөлөр керектен чыкты, бир нече кыштакты күл басып калган.

Семерунун кратеринин айланасындагы беш чакырым жерге жакындоого тыюу салынды, бийлик чатырларды тигип элди жайгаштырды.

Семеру Индонезиядагы 120дан ашуун активдүү вулкандардын бири. Акыркы жолу январда атылган, адам өлүмү болгон эмес.

Жеринде куткаруучулар аман калгандарды издеп жатышат.

Булак: NazarNews.kg