www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Жогорку Кеңештин Социалдык маселелер, билим берүү, илим, маданият жана саламаттык сактоо боюнча комитети 12-февралда "Жарандык кодекске" өзгөртүү киргизүү тууралуу мыйзам долбоорун карап, биринчи окууда жактырды.
КСДПдан депутат Дастан Бекешев сунуштаган өзгөртүүлөрдө интернетте негизсиз сын-пикир жазгандарды жоопкерчиликке тартуу камтылган. Ага ылайык, моралдык чыгым катары айыпталуучуга салынган айыптын өлчөмү 20 миң сомдон кем болбошу керек.
Комитет жыйынында депутат Жанар Акаев айыппулдун жогорку чегин мындан ашырбоону, бул мыйзам долбоору коомчулуктун өз пикирин ачык айтуусуна жолтоо болбошу керектигин айтты. Мыйзам долбоорун колдобоого депутаттарды чакырды.
Ал эми эл өкүлү Тазабек Икрамов айыппулдун өлчөмү 20 миңден эмес, 50 миң сомдон башталганы туура болмок деген сунуш киргизди.
Жыйынтыгында комитетке мүчө болгон он бир депутаттын ичинен үчөө -Жанар Акаев, Аида Касымалиева жана Наталья Никитенко "каршы" добуш беришти. Калгандары колдоп, мыйзам долбоор көпчүлүк добуш менен жактырылды.
Буга чейин Кыргызстандагы атуулдук коом "Жарандык кодекске" сунушталган өзгөртүүлөрдү сындап, сөз эркиндигине кысым катары сыпаттаган.
Булак: NazarNews.kg
< Предыдущий
Следующий >
Последние новости
