Исмаил Матраимов атындагы коомдук кайрымдуулук фондунун демилгеси менен Сокулук районуна караштуу Күн-Туу айылынын тургундары бир күн бою акысыз рентгенге түшө алат.

Пандемия учурунда ооругандардын саны өтө көп болуп, басымдуу бөлүгү рентгенге түшүү үчүн шаарга барып, жыйынтыгын алгыча оорусун күчөтүп алгандар болгон. Ошол учурда, биздин бригаданын келе жатканын уккан эл, бир ишенип-ишенбей дароо ооруканага баргандыгын айтышты. Себеби, көчмө рентген аймактарды кыдырып жүргөнүн угуп, бизге келишпейт деп үмүттөрүн үзүп коюшкан. Учурда жергиликтүү калк, санитардык эрежелерди сактоо менен кезекке туруп, текшерүүдөн өтүп, дароо жыйынтыгын алып жатышат. 

Эске салсак, көчмө мобилдик рентгени, Алмалуу, Үч Эмчек жана Нооруз айылынын тургундарын текшерүүгө алышып, жыйынтыгын чыгарып беришкен.

Булак: NazarNews.kg