Италия менен Францияда Жогорку Кеңештин депутаттарын шайлоо участкалары ачылат
Саясат  |   |  876

Борбордук шайлоо комиссиясы Жогорку Кеңештин депутаттарын шайлоодо добуш берүүнү уюштуруу үчүн Кыргыз Республикасынын аймагынан тышкары шайлоо участкаларын түзүү жөнүндө ушул жылдын 15-июлундагы №129 токтомуна өзгөртүүлөрдү киргизди. Бул тууралуу БШКнын маалымат кызматы билдирди.

Маалыматта айтылгандай, Тышкы иштер министрлигинин Италия жана Франциянын компетенттүү органдары менен жүргүзгөн иштердин жыйынтыктары боюнча, Италия жана Францияда жашаган же жүргөн Кыргыз Республикасынын жарандарынын шайлоо укуктарын камсыздоо максатында Рим жана Париж шаарларында Жогорку Кеңештин депутаттарын шайлоодо добуш берүүнү уюштуруу жана добуш берүүнү эсептөө үчүн эки шайлоо участкасы түзүлөт.

Ошентип Кыргыз Республикасынан башка өлкөлөрдө түзүлгөн шайлоо участкаларынын саны 42ден 44кө өстү.

Булак: NazarNews.kg

Поделитесь с друзьями