Өкмөттүн акыркы чечимине ылайык, Италиянын бир катар аймактарында балдардын буюмдарын, китептерин жана атырларын саткан дүкөндөр ачылды. Бул тууралуу 14-апрелде, ТАССтын кабарчысы Римдеги көп дүкөндөрдүн бардыгы эле ачылбай калгандыгын жана чечим Италиянын бардык аймактарында бирдей колдонула электигин билдирди.

Ломбардиянын түндүк аймагында инфекциянын эң жогорку деңгээли (болжол менен үчтөн бири) жана каза болгондордун (жарымына жакыны) катталган. Ушул себептен, бул жерде дүкөндөрдү ачууга уруксат жок. Борбор Лазио жана Рим провинцияларында китеп дүкөндөрүнүн ачылышы 20-апрелге жана Сардиния аралында акыркы мөөнөт 26-апрелге жылдырылды.

Айрым дүкөндөрдүн ачылган жеринде белгилүү бир чектөөлөр бар. Башкача айтканда, кардарга медициналык маска жана бир жолку кол капсыз кирүүгө болбойт. Соода жүргүзүүдө 1,5 метр аралыкты сактоо керек. Бардык сатуучулардын да маскасы болушу зарыл. Ошондой эле Римдеги парфюмерия дүкөндөрүндө сатык жандана турганы жарыяланды. Бирок, алардын көпчүлүгүндө жумуш убактысы чектелүү жана коопсуздук эрежелери сакталууда.

Айрым балдардын кийим дүкөндөрү ишин улантышты. Ал жерде балдар кийимдери, ошондой эле оюнчуктар сатылат. Бул дүкөндөрдөн кийимдерди жана балдардын гигиенасына тиешелүү буюмдарды, ошондой эле карандаштар, боёк китептерин сатып алынат.

Акыркы маалыматтарга таянсак, Италияда 159,516 адам коронавируска чалдыккан. 35,435 бейтап айыгып, 20 456 адам көз жумган.

Сарвар уулу Анвар, Ташкент

Булак: NazarNews.kg