Израилдин Газа тилкесине жасаган кол салууларында шейит болгон палестиналыктардын саны 220га жетти.

Израиль армиясы 2 миллиондон ашуун адам жашаган Газа тилкесине абадан жана жерден сокку урууну улантып жатат.

Кечинде Израил армиясы Газанын түштүгүндөгү Хан Юнус жана Рафах аймактарына катуу чабуулдарды жасады.

Газанын түштүгүндөгү кол салууда 1 адам каза болуп, 7 адам жаракат алды. Газанын борборундагы батирге жасалган ракеталык кол салууда да 2 палестиналык каза болуп, 2 палестиналык жаракат алды.

Израилдин 10-майдан бери Газага карай кол салууларында 63ү балдар, 36сы аялдардан турган жалпы 217 палестиналыктын шейит болгону, 1500 кишинин жаракат алгандыгы белгиленди.

Бир тараптан Палестинанын каршылык көрсөтүү топтору кол салууларга жооп катары Газадан Израиль тарапка ракеталык аткылоону улантууда.

Жаңжал башталгандан бери Израилде ракеталык аткылоодон улам 12 адам каза тапты.

Ошол эле учурда, Израиль аскерлеринин басылып алынган Батыш Шерианын ар кайсы жерлериндеги Газа тилкесине колдоо көрсөтүү үчүн өткөрүлгөн демонстрацияларга кийлигишүүсү учурунда 4 палестиналык чыныгы ок менен атып өлтүрүлдү.

Палестина Кызыл Жарым Айынын жазуу түрүндөгү билдирүүсүндө Израилдик аскерлердин кийлигишүүсүнүн натыйжасында 182си чыныгы, 195и желим октор менен, 120сы жыгылып же күйүү түрүндө, 6 тебелендиде калып жалпы 503 палестиналыктын жаракат алгандыгы белгиленди.

Билдирүүдө 931 палестиналыктын да көздөн жаш агызуучу газдан таасирленгендиги баса белгиленди.

Булак: NazarNews.kg