«Бөрү карыса бир койлук алы бар» деп Феликс Кулов баш болуп, Текебаев төш болуп  27-февралга белгилен кайра шайлоодо чыга тургандай.  Бул шайлоого ат салышуу үчүн Элвира Сурабалдиева (депутат Жыргалбек Сурабалдиевдин кызы, 2020-жылы «Ата-Мекен» партиясы үчүн күрөшкөн) № 27 Биринчи май округунан жана Алмамбетова Гуля № 29 Свердлов шайлоо округунан арыздарын беришти. Дагы кимдер бул шайлоо округдарынан депутат болууга умтулуп жатышат?

1.Равшан Жээнбеков (Атамбаевдин кудасынын күйөө баласы)—2021-жылдын 27-декабрында камактан бошотулду. ЛГБТ, транссексуал, гомосексуалдарды колдоп, митинг уюштуруп турат. №26 Ленин округу боюнча 2021-жылдын 28-ноябрында өткөн шайлоодо 4 085 добуш алып жалпы добуш бергендердин 10.62% ын алган.

2. Мелисбек Мырзакматов —«Улуттар Биримдиги» партиясынын лидери, 2021-жылдын 28-ноябрында өткөн шайлоодо 6 748 добуш же партияга добуш бергендердин 21, 33 пайызын алган.

3. Ырысбек Мааткабылов (Салымбековдун инисинин баласы) - №29 Свердлов округу боюнча 2021-жылдын 28-ноябрында өткөн шайлоодо 8 814 добуш алып жалпы добуш бергендердин 27.73% ын алган.

 4. Өмүрбек Текебаев —«Ата-Мекен» партиясы менен 2021-жылдын 28-ноябрында өткөн шайлоодо 9 609 добуш же партияга добуш бергендердин 20.88 пайызын алган.

5. Кадырбек Атамбаев (Атамбаевдин уулу)— «Социал-Демократтар» партиясы менен 2021-жылдын 28-ноябрында өткөн шайлоодо 5 598 добуш же партияга добуш бергендердин 13.63% пайызын алган.

6. Тилек Токтогазиев — «Ата-Мекен» партиясы менен 2021-жылдын 28-ноябрында өткөн шайлоодо 1 791 добуш же партияга добуш бергендердин 3.89 пайызын алган.

7. Али Токтакунов -«Ата-Мекен» партиясы менен 2021-жылдын 28-ноябрында өткөн шайлоодо 3 037 добуш же партияга добуш бергендердин 6.60 пайызын алган.

8. Айсулуу Мамашова (Турусбек Мамашовдун кызы) — 2015 -жылы «Ата-Мекен» партиясы үчүн күрөшкөн, бул жолу «Альянс» партиясы менен 2021-жылдын 28-ноябрында өткөн шайлоодо 1 022 добуш же партияга добуш бергендердин 0.95  пайызын алган.

9. Наталья Никитенко — «Ата-Мекен» партиясы менен 2021-жылдын 28-ноябрында өткөн шайлоодо 1 595 добуш же партияга добуш бергендердин 3.47 пайызын алган.

10. Ирина Карамушкина —«Социал-Демократтар» партиясы менен 2021-жылдын 28-ноябрында өткөн шайлоодо 2 930 добуш же партияга добуш бергендердин 7.13  пайызын алган.

11. Асель Кодуранова —«Социал-Демократтар» партиясы менен 2021-жылдын 28-ноябрында өткөн шайлоодо 374 добуш же партияга добуш бергендердин 0.91 пайызын алган.

12. Феликс Кулов, «Ар-Намыс»

13. Клара Сооронкулова — «Ата-Мекен» партиясы менен 2021-жылдын 28-ноябрында өткөн шайлоодо 2 090 добуш же партияга добуш бергендердин 4.54 пайызын алган.

14. Мирлан Жеенчороев (Бабановдун жээни) — «Альянс» партиясы менен 2021-жылдын 28-ноябрында өткөн шайлоодо 3 707 добуш же партияга добуш бергендердин 3.45 пайызын алган.

15. Мелис Турганбаев —№28 Свердлов округу боюнча 2021-жылдын 28-ноябрында өткөн шайлоодо 7 018 добуш алып жалпы добуш бергендердин 19.09% ын алган.

16. Мээримбек Койчуманов — №27 Биринчи май округу боюнча 2021-жылдын 28-ноябрында өткөн шайлоодо 4 248 добуш алып жалпы добуш бергендердин 11.89% ын алган.

17. Болот Ибрагимов — «Эл үмүтү» партиясы менен 2021-жылдын 28-ноябрында өткөн шайлоодо 7 149 добуш же партияга добуш бергендердин 12.32 пайызын алган.

18. Токтайым Үмөталиева (Аскар Акаевдин балдызы)

Добуштарды санаган учурда Бишкектин Биринчи май жана Свердлов округдарында шайлоочулар каршы добушту итапкан бергендиктен, бул жерлерде жаңы шайлоо мыйзамы боюнча кайра шайлоо өтөт. Талапкерлер кайра шайлоого жашаган жерине карабай талапкердигин койсо болот. Азырынча бул шайлоо округдары боюнча 20 адам талапкердигин көрсөтөбүз деп турушат.

Азизбек КЕЛДИБЕКОВ, NazarNews.kg