Ташиев байлыгын чет өлкөгө чыгарып жатат, анан жакында өзү качып кетет экен деген сыяктуу маалыматтардын таратылышы эмнеден кабар берет?

Биринчиден, бул ушак сөздү дал ошол өздөрү качып-конуп, алдап, кыргыз элин тоноп жеп жүрүп, бүгүн элдин акчасына ээлик кыла албай калган арам тамактар чыгарганы анык!

Экинчиден, Камчыбек Ташиевдин өмүр таржымалын, мүнөзүн баарыбыз жакшы билебиз. Башкасын айтпай эле коёлу, 2010-жылдагы кандуу июнь окуяларында кыргыз эли кан жутуп калган күндөрү Ташиев жанын тобокелге салып, согуш ичинде жүрбөдү беле?! Ошол учурда ким кайда качып кетти эле? Ошол учурда азыркы баатырларыңар кайда жашынып жатышты эле?!

Ташиев эч качан кыргыз элине кыянаттык кылган эмес жана эч качан кылбайт! Камчыбек эч качан элин таштап качкан эмес! Эч качан, эч жака качпайт! Камчыбек Ташиев кууса кууйт го, бирок качпайт! Камчыбек Ташиев арам тамактарды, бузукуларды жанчып жок кылмайынча токтобойт! Камчынын ишенгени Жараткан Аллах Таала! Таянганы карапайым кыргыз эли!

Үчүнчүдөн, Камчыбек Ташиевди каралап, болор-болбос сөздөрдү жазып жаткандардын баары - саясатта күнү бүтүп, кыргыз коомунан өз ордун жоготкондор! Кыргыз элим көзүңдү ач! Алданба, азгырылба! Камчы менен Садырга күч бол! Мамлекетиңди теке-пеке, сагызган-пагызганга, кузгунга окшогон шакалдардан сактап кал!

Эске сала кетсек, буга чейин Камчыбек Ташиев өлкөдөн чыгып кетет деген такталбаган маалыматтар социалдык тармакта тынымсыз таралууда.

Учурда Камчыбек Ташиев Кыргыз Республикасынын Улуттук коопсуздук боюнча комитетинин төрагасы кызматын аркалап келет.

Булак: NazarNews.kg