2022-жылдын январь-апрель айлары аралыгында 39 млн 161 миң 157 сом өлчөмүндөгү аткезчилик жүктү чек арадан алып өтүүгө аракет жасоо боюнча 131 факты аныкталып, бөгөт коюлду. Бул тууралуу бүгүн, 2-июнда УКМКнын төрагасы Камчыбек Ташиев Жогорку Кеңештин трибунасынан билдирди.

Анын айтымында, бул чара көрүлгөн гана фактылар.

"Жалпы 708 миң 700 сом өлчөмүндө 80 айып салынган. 1 млрд 283 миң 149 сом өлчөмүндө бажы төлөмү төлөнгөн. 2022-жылдын январь айында 3 миң 500 тонна, ушул жылдын май айында 900 тонна минералдык жер семирткичтер кармалган", - дейт ал.

Булак: NazarNews.kg