Каныбек Иманалиев төраганы "сүздү"

Журналист: NAZARNEWS

02.02.2018, 1:44

17882

саясат

Жогорку Кеңештеги "Ата Мекен" фракциясынын депутаты Каныбек Иманалиев төрага Дастанбек Жумабеков өкмөт башчыны коргоого аракет кылып, парламенттин аброюна шек келтирип жатат деп сын пикирин билдирди. Мындай пикирин 1-февралда жалпы жыйында сүйлөп, 31-январь күнү Бишкектеги Жылуулук борборуна байланыштуу маселе каралып жатканда, өкмөттү сындаган депутаттарга парламент төрагасы комментарий берип, бир канча жолу премьер-министрге сын айттырбаганга аракет кылганын белгиледи:

- Мурун да спикерлер өкмөт башчыга каршы болгон эмес, бирок позициясын парламентке таңуулабай, калыс алып барчу. Ошондо парламенттин бедели өсчү. Менин эсебим боюнча төрага 8-9 жолу премьер-министрди колдоп, комментарий бергени мени таң калтырат. Комментарий бергенди токтотсок. Сыртта бир миллион эле суукта калып турса. Биз премьер-министр менен иштешибиз керек. Бирок ачыктан-ачык колдоо парламенттин кадыр-баркына шек келтирет.

Төрага Дастанбек Жумабеков бул боюнча азырынча пикирин билдире элек.

Белгилей кетсек, 26-декабрда Бишкек жылуулук электр борбору бузулуп, үйлөр ысыбай калган. ЖКда Каныбек Иманалиев төрага күн тартибинде каралып жаткан маселе каралбай жаткандыгын жана төраганын ишине нааразы болуп жаткандыгын билдирген.

Булак: NazarNews.kg