Жогорку Кеңеште экс-президент Атамбаевди экс-президенттик статусунан ажыратуу кызуу талкууну жаратып, анын аяга ушул кезге чейин басыла элек. Адилеттик издегендер ага карата түзүлгөн комиссияга наалат айтып, адилеттиктин болгонунан күмөн санагандар көп. Ага ошол эле комиссиянын башында жүргөн Каныбек Иманалиев дагы бир топ шек санатып жаткандай.

Атамбаев боюнча түзүлгөн комиссия соңку чечимин окуп жатып, анда Атамбаевдин ЖЭБ боюнча аралашы бар экенин ачыкталганын айтат. Бирок, ошол эле учурда ЖЭБ ишине макулдукту ким бергенин, ал ЖКнын жалпы чечими, ага чейин Каныбек Иманалиев башкарган комитеттин чечимдери болгонун айтып, ал турсун Капаштын уулунун колу коюлган комитет чечимин да интернет барактарына чыгарышты.

Буга ЖКнын айрым "уяттуулары" "биз аны ЖЭБ оңолуп кетсин деп колдоп бергенбиз" - дешти. Буга чейин төрага Дастан Жумабеков да Асылбек Жээнбековду колдогон таризде, "ЖК жеп кетсин деп эмес, оңдолсун деп колдогон" деп айткан болчу.

Ошентип, өздөрүнө кыпындай көө жугузгулары келбеген депутаттар экс-президенттин статусун алып, аны ар кылмыш иштери үчүн камоого жол ачып берди. Атамбаевдин мурда-кийин кылган жакшы - жаман иштерин эстеген эл, аны колдоого да алып жатканы бар. Ал ортодо Каныбек Иманалиевдин азыркы бийлик менен коюн - колтук алышып, убадалашып Атамбаевди "чаап" түшүү үчун кийинки боло турган ЖК шайлоосунан алдыңкы "алтын" мандатты алууга жетишиптир деген кептер тар чөйрөдө сөз болуп, ал аз күндө кызуу талкууну жарата турган абалда турат. "Раим миллион" добро бериптирби(?) аны аз күндө сөз кылабыз.

Каныбек Иманалиев элита чөйрөсүндө "саясий соодагер" атка да көнүп калганына аз эле болуптур. Ошентсе деле болчудай, 2010-жылы Апрель шейиттерин узатуу зыйнатында "башкы тамада" боло калып, кызыл тилин жанып, жүрөгү тилине сүйлөп жатканда эле кептөр таң калган болчу. Мындан баарын күтсө болот, айтор.

Булак: Факты.kg