Америкалык гитарачы жана "Iced Earth" тобунун лидери Джон Шаффер 6-январда Капитолийдеги башаламандыкка катышкандыгы үчүн камакка алынган. Бул тууралуу Индианаполистеги Федералдык тергөө бюросу билдирди. "Джон Шаффер 6-январда Капитолий окуясына катышкандыгы үчүн камакка алынган. Шафферге алты пункт боюнча айып тагылууда, анын ичинде Капитолийдин имаратындагы зомбулукка катышкан", - деп айтылат мекеменин билдирүүсүндө.

Америкалык маалымат каражаттарынын билдиришинче, Шаффер тополоң учурунда тартылган сүрөткө түшүп калган. Ал Капитолийдин имаратына чабуул жасаган адамдардын арасында болгон. Кийин ФБР сүрөтүн интернетке жарыялап, башаламандыкка катышкан адамдарды табууга жардам сураган.

6-январда учурдагы президент Дональд Трамптын тарапкерлери Вашингтондогу Капитолийдин алдындагы Капитолийди басып алышты. Капитолийге кол салуудан кийин Трампка каршы экинчи импичмент жарыяланды. Андан бери бир катар мессенджерлер Трамптын аккаунттарын жаап салышты. Ушул эле күнү Трамп Вашингтондо тарапкерлери менен жолугуп, анда депутаттарды "уурдалган шайлоого" каршы чыгуу үчүн Капитолийге келүүгө чакырды. Трамп АКШнын тарыхында Өкүлдөр палатасы тарабынан эки жолу импичмент жарыяланган биринчи Президент болуп калды.

Учурдагы президент Трампка биринчи жолу 2019-жылы декабрда импичмент жарыяланган. Ошол кездеги конгрессмендер Трампты бийликти кыянаттык менен пайдаланып, Конгресстин иликтөөсүнө тоскоолдук кылып жатат деп айыпташкан. Бирок Сенат Трампты актаган болчу.

Рушана Султонова, Ташкент

Булак: NazarNews.kg