Кыргызстанда айрым аймактарга өзгөчө абал киргизилген. Өкмөт билдирүү таратып, эреже бузгандарды жазалоо чаралары күчөтүлгөнүн айтты.

Ага ылайык, карантин чараларын бузгандарга 30-60 миң сомго чейин айып салынат. Ал эми дары-дармекти өз баасынан ашырып саткандар болсо 10 миңден 28 миң сомго чейин айып пул төлөшөрү айтылды.

Жанында документи жок көчөдө жүргөндөр үч миң сом айып төлөйт. Ал эми дүрбөлөң түшүргөн фейк маалыматтар үчүн жаза 5,5-17 миң сом деп айтылды.

Учурда коронавирус бүткүл дүйнөгө жайылып, ар бир өлкө ага каршы күрөшүү чараларын көрүүдө. Көпчүлүк мамлекеттерде чек аралар жабылып, карантин жарыяланган. BBC маалымат агенттиги дүйнө жүзүндөгү карнатинди бузган адамдар кандай жазаланып жаткандыгы тууралуу жазып чыкты. 

Филиппин

Филиппин президенти Родриго Дутерте карантин чаралары киргизилген аймактарда "маселе жараткандары көргө тыгам" деп эскертти.

Азыркы маалда дүйнө калкынын үчтөн бири ар кандай шартта чектөөлөргө алынды. Көп өлкөлөрдө полиция тартип бузгандарга карата катаал аракеттерге барууда.

"Мен полицияга, аскерлерге жана жергиликтүү бийлик өкүлдөрүнө көрсөтмө бердим, эгерде маселе жаралып, өмүрүңөргө коркунуч туулса, ок чыгаргыла",-деди президент Дутерте.

Мындан бир нече саат алдын баш калаа Манилага жакын аймакта кишилер нааразылык акциясын уюштурган экен. Алар жакыр жашагандар үчүн берилген өкмөттүн азык-түлүк жардамы жетпей калганын даттанышкан. Аларды дароо кууп таратып, 21 кишини камакка алышты.

WATCH: Pwersa ng QCPD dumating na sa lugar kung saan nagra-rally ang mga miyembro ng Kadamay na residente ng Sitio San Roque, Brgy. Bagong Pag-asa, QC | via @dzrh5 Val Gonzales #DZRHat80 #COVID19Alert pic.twitter.com/TH13flb3Ng

— DZRH NEWS (@dzrhnews) April 1, 2020

Көп өтпөй жергиликтүү администрация жардам баарына бирдей бөлүнүп берилерин, тизмени кайра карап чыгышарын билдирди.

Президенттин катуу айткан сөзү укук коргоочулардын сынына кабылды. Чиновниктер президенттин айтканын жумшартып, карантин чараларын сактоо маанилүү экенин айткысы келгенин, полиция ок чыгарбай турганын айтууга аргасыз болду.

Индия жана Пакистан

1,3 миллиард калкы бар Индияда 24-мартта премьер-министр Нарендра Модинин буйругу менен үч апталык карантин жарыяланган. Зарылчылык болбосо сыртка чыгууга тыюу салынды.

Полициянын аракеттери индиялык коомдук сайттардагы эң көп талкууланган тема болуп калды. Бир тарабы муну жактаса, экинчиси кескин сынга алууда.

Пенджаб штатында полиция көчөдө жүргөндөрдү кармап алып, "биз үйдө олтурбаган эл душманыбыз" деп кыйкырууга мажбурлаган.

Currently in Punjab, India if you break the government imposed curfew the police is forcing you to do squats while chanting "We are enemies of society. We cannot sit at home". #Covid19India #COVID19 pic.twitter.com/zikTjHIFzz

— Gurpreet Singh Dhillon (@gurpreetdhillon) March 24, 2020

Башкаруудагы "Бхаратия Жаната" партиясы "Твиттер" баракчасына топ кишилер коргоочу костюм кийген медициналык инспекторлорго таш ыргытып, кубалап жаткан видеону жарыялады. Жаалданган топтун аракетин сынга алган билдирүү жазды.

Окуя Мадхья-Прадеш штатынын Индор шаарында болгон. Дарыгерлер коронавируска тест тапшырган кишини текшерүү үчүн келгенде аларга кол салышкан. Алар унаага жашырынып калууга үлгүргөн. Эки дарыгер жаракат алып, кол салгандардын төртөө кармалды деп кабарлады жергиликтүү басылмалар.

Police Giving Punishment to those Who are out of the house in Lockdown in Karachi pakistan pic.twitter.com/bLq3s1q6UI

— Sajjad Ahmed Khan (@SajjadA00544733) March 24, 2020

Карантин эрежесин бузгандарды жазалап жаткан тасма Пакистандын коомдук сайттарында дагы талкууланууда. Марттын соңунда полиция бир кишини бамбук менен чапкылап, жазалап жаткан видео чыгып кетти.

АКШ

АКШда дагы ар кандай видеолор коомдук сайттарга жарыяланып кетти. Апта башында Лос-Анжелесте туулган күн өтүп жаткан жердеги тасма катуу талкууланды.

Майрамга 40 чамалуу киши чогулган. Бул карантин чараларын бузууга жатат. Ошондуктан кимдир бирөө полицияга кабар берген. Тасмада башында полиция үн күчөткүч менен эскертүү бергени тартылган. Кийин полиция каз-катар тизилип баратканын көрүүгө болот.

 

 

 

 

Посмотреть эту публикацию в Instagram

 

 

 

 

 

 

 

 

 

Wow... Seriously...? (Edit: This video took place prior to the CLOSURES of Miami Beach due to COVID-19 (Corona Virus). I personally recorded this video. Check the link in my bio for the full video). • • @miami___wtf @onlyindade @lifemiamibeach @worldstar @miamibeachpd @mayordangelber @ppv_tahoe • • #lifemiamibeach #miamibeach #oceandrive #wtf #police

Публикация от Miami Beach Life (@lifemiamibeach) 11 Мар 2020 в 4:27 PDT

Мындай кагылышуулар АКШда биринчи жолу болуп жаткан жок. Буга чейин дагы Майамиде эс алып жаткандарды полиция кууп таратканы тартылган тасма интернетте топ жарган.

Полициянын дарегине расизм боюнча айыптоолор айтылып, ички иликтөө жүрүп жатканын америкалык басылмалар жазып чыгышкан.

Булак: NazarNews.kg