Беларусь өлкөсүндө коронавирус жуктуруп алгандардын саны 13 миң 100гө жетип, алардын ичинен 84ү көз жумду. Буга карабастан өлкөгө карантин киргизиле элек. Бул тууралуу аталган өлкөнүн маалымат каражаттары жазып чыгышты.

Маалыматка ылайык, азыркы убакта өлкөдө эл көп чогулган жайлар, чиркөөлөр ачык.

Бийлик өкүлдөрү эпидемиянын бар экенин моюндарына албай жатышат. Ал эми Минсктеги дүйнө жүзүндөгү эң ири монастырлардын духовниги ооруну "Кудайга ишенбегендердин жазасы" деп атаган. Пасха майрамында элдер чиркөөлөргө барып, вирус жуктуруп алышарына ишенбестен иконаны өбүшкөн.

Булак: NazarNews.kg