Бүгүн, 20-апрелге карата коронавирус боюнча өлкөдөгү абал, статистикалык көрсөткүчтөрдү саламаттыкты сактоо министринин орун басары Нурболот Үсөнбаев маалымдап, "Карантинди майдын ортосуна чейин узартуу зарылчылыгы жаралган жокпу?" деген суроо берди.

Үсөнбаев азырынча бул суроого жооп айтуу оор экенин билдирди.

"Калкка карата азыр коюлуп жаткан чектөөлөрдүн баары эпидемиологиялык абалга жараша болуп жатат. Бул бир гана биздин өлкөдө эмес, вирус жайылган бардык өлкөлөрдө колдонулуп жаткан ыкма. Биздин өлкөдө коронавирустун жайылышынын туу чокусу болот деп божомолдонгон даталар бар, ошол күндөрдөн өткөндөн кийин карантин узартылабы же жокпу анык болот", - деди министрдин орун басары.

Эске салсак, буга чейин инфекциянын жайылуусунун туу чокусу 20-24-апрель күндөрүнө дал келет деген божомолдор айтылган.

Булак: NazarNews.kg