Жалал-Абад облусундагы Токтогул районунун Кызыл-Өзгөрүш айыл аймагында 24-май күнү саат 05:00 чамасында Кен-Туулук суусунда суунун көлөмү көтөрүлүп, Ак-Жар айылындагы ички чарбалык жолго курулган 4 көпүрөнү суу жеп кеткен. Ички чарбалык жол убактылуу жабылган.

Айыл аймак тарабынан ички чарбалык көпүрөлөрдү калыбына келтирүү иштерин 1 экскаватор тартылган. Учурда 2 көпүрө калыбына келтирилген.

Тогуз-Торо районунун Көк-Ирим айыл аймагында 24-майында түнү Бирдик айылында, Көк-Ирим дарыясында суунун деңгээли көтөрүлүп, дарыядан сугатка суу алуучу арыктарынан ашып, 3 турак үйдүн короолоруна суу кирген.

Жээктерди бекемдөөгө айыл аймактан 1 жүктөгүч жана 15 адам тартылып, кооптуу аймакта сууну тосуу иштери аткарылган.

Булак: «NazarNews.kg»