www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Пандемия маалында Казакстанда кирешеси жашоо минимумунан төмөн адамдардын саны 5,7 пайызга көбөйгөн. Бул тууралуу Статистика комитетинин маалыматтарын иликтеген Finprom порталы билдирди.
Маалыматка караганда, кедейлердин саны жагынан Түркстан (12,8%), Түндүк Казакстан облусу (7,4%), Жамбыл облусу (6,9%) алдыда турат. Нур-Султан (1,4%), Караганды (2,4%), Атырау (3,1%) облустарында абал салыштырмалуу дурусураак.
Белгилей кетсек, 2019-жылы жашоо деңгээлинен төмөн киреше тапкан адамдардын үлүшү 4,3 пайызды түзгөн. Бул 2011-жылдан берки эң начар көрсөткүч.
Ал эми Републикалык маанидеги Алматы менен Чымкент шаарларында абал былтыркыга салыштырмалуу начарлап кеткен. Алматыда жакырлык деңгээли 6,2% (2019-жылы экинчи чейректе 2,6 % болгон), Чымкентте 6,4% (былтыр экинчи чейректе 3,1% болгон) түздү.
Кошумчалай кетсек иликтөөчүлөр Казакстанда экономикалык активдүүлүк төмөндөп, коронавирустун кесепеттеринен улам жакырчылык даана сезиле баштаганын айтышууда. Натыйжада өлкөдө кирешеси жашоо минимумунан төмөн адамдардын саны 1,1 миллионду түздү.
Эске салсак, Июль айында Дүйнөлүк банк пандемиянын кесепетинен Казакстанда дагы 800 миң киши кедейлердин катарына кошула турганын божомолдогон. 2020-жылы жакырчылыктын деңгээли 8,3 пайыздан 12,7 пайызга көбөйүшү ыктымал.
Булак: NazarNews.kg
< Предыдущий
Следующий >
Последние новости
