Коопсуздук кеңешинин мурдагы катчысы Кеңешбек Дүйшөбаев маалымат жыйын өткөрүп, эмнеге кызматтан кеткенин айтты. Бул тууралуу ал атайын жыйында билдирди.

«14-октябрда андагы президент Сооронбай Жээнбеков менен жолуктум. Ал менден өлкөдөгү кырдаалды жөнгө салуу үчүн, Коопсуздук кеңешин жетектеп бер деп суранды. Мен андан мөөнөтүңүз бүткөнчө отурасызбы?-деп сурадым. Ал ооба деп жооп берди. Кийин окуя башкача өңүттө уланып кетти.  Жаңы бийлик кызмат ордуларын, каржы булактарын, стратегиялык объекттерди бөлүштүрүү менен гана алек. Бийликтин баардык бутактарында жоопкерчиликсиз кадамдар. Ушул нерсенин баары көңүлүмдү иренжитти. Ошондуктан Коопсуздук кеңешинин катчысы кызматынан кеттим», -деди Кеңешбек Дүйшөбаев.