Менин жолдошумдун эки дос кызы бар. Алар менен кечке сүйлөшөт, кандай иш болбосун ошолор менен чогуу чечишет. Мурун кызганчу эмесмин.

Бир жолу мени алдап, «дос балдар менен жолугам» деп кетип, ошол кыздар менен тоого чыгып, эс алып келиптир.

Мени бир да жолу алып барбаган жерде ал кыздар менен жүрөт. Анан да түнү бою «иштер менен жүрөм» деп мени алдап, аларга барып келди. Эмне кылсам?

Же мен анын ишин туура эмес түшүнүп, кызганып жатамбы? Ушунчалык түшүнүүгө аракет кылсам да болбой жатат. Бир балабыз бар.

Күйөөм өтө жакшы адам, аны абдан жыкшы көрөм. Жоготуп алуудан корком. Кечээ жакында да ошолор менен жүрүптүр. Эми кандай кылам?

Булак: Азия News гезити