Крым парламентинин башчысы Владимир Константинов РИА Новостиге берген маегинде жакынкы келечекте, акыркы демилитаризациядан жана деназиядан кийин Украина Крымдын орусиялык статусун сөзсүз тааныйт деген ишенимин билдирди.

«Жакынкы келечекте, Украина биротоло демилитаризациялангандан жана деназиялангандан кийин, ал Крымдын орус статусун сөзсүз тааныйт деп ишене аласыз», - деди Константинов.

Анын айтымында, жалпысынан мындай статусту дүйнө өлкөлөрүнүн таануусу өзүнчө көрсөткүч болуп саналат.

Белгилей кетсек, бүгүн жарым аралда крымдыктар менен Севастопольдун Орусия менен биригүүсү үчүн добуш берген референдумдун сегиз жылдыгы белгиленүүдө.

«Чындык тарапта болгондор биздин тандообузду тааныйт, калп империясынын таманында калгандар эч качан тааныбайт», - деди Константинов.

Ал буга чейин крымдыктар үчүн таануу максат эмес экенин, азыр андан да көп экенин баса белгиледи.

Эске салсак, Орусия Украинадагы операцияны 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» экендигин айткан.

Бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жаткандыгын белгилеген.

Орусиянын Коргоо министрлиги Куралдуу күчтөрү соккуну Украина тараптын аскердик инфраструктуралары менен күч түзүмдөрүнө уруп жаткандыгын, жай жарандарга багытталбагандыгын билдиришкен.

Орусиянын Куралдуу күчтөрүнүн колдоосу менен ДЭР жана ЛЭР топтору соккусун улантууда. Президент Украинаны оккупациялоо туурасында кеп болбогондугун айткан.

Коргоо министрлигинин маалыматы боюнча, куралдуу күчтөр аскердик инфраструктурага жана украин аскерлерине гана сокку урууда.

Булак: NazarNews.kg