Рамзан Кадыров менен Илон Маск кайым айтышты

Журналист: ЖАҢЫЛ СТАЛКЕРИМОВА

16.03.2022, 11:55

28979

дүйнө жүзүндө

Россия Федерациясынын карамагындагы Чечен Республикасынын башчысы Рамзан Кадыров америкалык миллиардер Илон Маскка жооп берди.

Буга чейин Илон Маск Россиянын президенти Владимир Путинди жекеме-жеке мушташка чакырган болчу. «Владимир Владимирович алсызырак атаандашын урса, спорттун эрежелерине туура келбей калат», - деп жазды Кадыров Телеграмдагы каналына.

Ошондой эле Илон Маскка машыгууну жана назик Илонадан бруталдуу Илонго айланууну сунуштады. Ал үчүн Чеченстандагы бир нече жерден: Россиянын спецназ борборунда, «Ахмат» мушташ клубунда же «Грозный» телеканалында даярдыктан өтүүнү сунуштады.

Илон Макс Кадыровго рахмат айтып, артыкчылыгы көбөйбөшү үчүн анын сунушунан баш тартты. «Эгерде ал (ред. Путин) мушташуудан коркуп жатса, мен сологой болбосом да, сол колум менен гана мушташууга макулмун», - деп жазды Илон Маск. Ошондой эле миллиардер Твиттердеги ысымын «Илона Маск» деп өзгөрттү.

Булак: NazarNews.kg