Атыр жана косметикалык каражаттарды өндүрүү боюнча дүйнөдөгү эң ири компаниялардын бири эсептелген Louis Vuitton ишканасы Франциядагы үч фабрикасында антисептик гелдерин чыгара баштайт. Бул тууралуу чет элдик басылмалар жазып чыкты.

Антисептик гелдерин өндүрүп, мамлекетке берүү чечимин компаниянын жетекчиси Бернар Арно кабыл алган. 

Белгилей кетсек, адистер буга чейин коронавирус жуктуруп алуу тобокелдигин азайтуу үчүн колду самындап жууп турууну же бактерияга каршы гелдерди колдонуу керектигин билдиришкен. Вирус дүйнөгө жайыла баштагандан соң адамдар жапырт түрдө антисептиктерди сатып ала башташкан.

Булак: NazarNews.kg