Жылдын аягына чейин Индонезиянын 15 миллионго жакын жараны, Кытай жана Бириккен Араб Эмираттарынын окумуштуулары биргелешип чыгарган биринчи коронавирус вакциналары менен эмделет. Бул тууралуу Мамлекеттик ишканалар министри, Пандемиядан кийин улуттук экономиканы калыбына келтирүү боюнча өкмөттүк топтун башчысы Эрик Тохир билдирди.

"Эгерде өлкөдө чыгарылган жаңы препараттын клиникалык сыноолору ийгиликтүү аяктаса, жылдын аягына чейин бизде 30 миллион доза вакцина болот", - деди  Эрик Тохир.

Анын айтымында, 15 миллион индонезиялыктар эмделиши керек. Эмдөө 14 күндөн кийин жүргүзүлөт.

Министрдин айтымында, Кытайдын мамлекеттик фармацевтикалык холдинги Индонезияга жылдын аягына чейин 20 миллион доза жана келерки жылга чейин 250 миллион жаңы вакцина берүүнү пландап жатат.

Бирок, жетишилген макулдашууларга ылайык, Араб компаниясы Жакартага декабрь айында кеминде 10 миллион доза вакцина, келерки жылдын биринчи кварталында дагы 50 миллион доза вакцина жөнөтөт.

Ошондой эле, вакцина мамлекеттик камсыздандыруу программасынын катышуучуларына акысыз берилет. Болжол менен 221 миллион индонезиялыктар вакцинаны алышат. Вакцинаны акчага сатып алууга болот. Анын баасы болжол менен 30 доллар турат.

Бүгүнкү күнгө чейин өлкөдө коронавирустук инфекция менен ооруган 172 миңден ашуун учур тастыкталды. 7300дөн ашуун адам каза болду. Акыркы бир нече күндүн ичинде вирусту жуктуруп алгандардын саны күн сайын көбөйүп, жаңы рекорддор белгиленди.

Суннатилла Абдуллаев, Ташкент

Булак: NazarNews.kg