Бүгүн, 21-март күнү Кыргызстанда коронавируска чалдыккан дагы 2 учурдун өздүгү такталды. Бул тууралуу коронавирустун жайылышынын алдын алуу боюнча түзүлгөн өлкөдөгү республикалык штаб билдирди.

Маалыматка караганда, коронавирус жуктурган акыркы эки адам – 1996-жылкы жана 1994-жылкы эркектер. Франциядан учуп келген 24 жаштагы КР жараны “Манас” эл аралык аэропортундагы обсервация борборунда жайгашкан. Ал эми экинчиси, кичи ажылыктан кайткан 26 жаштагы КР жараны Бишкек шаарындагы “Ак-Кеме” мейманканасында изоляцияга алынганы айтылат маалыматта.

Эске сала кетсек, Саламаттык сактоо министринин орун басары Төлө Исаковдун маалыматы боюнча, 2020-жылдын 21-мартында саат 9-00гө карата Кыргызстанда коронавирус жуктурган 6 жаӊы учур катталган болчу. Түштөн кийин дагы эки учур катталды.  Ооругандардын жалпы саны – 14 адамга жетти.

Булак: NazarNews.kg