Кыргызстандын түштүк аймагындагы жер титирөөдөн жабыркаган 610 турак жай таптакыр жараксыз болуп калганын Өзгөчө кырдаалдар министри Кубатбек Боронов Жогорку Кеӊеште билдирди. Министрдин айтымында, ушу тапта үй-жайсыз калган адамдар чатырларга жайгаштырылып, азык-түлүк жана курулуш материалдары менен өз баасында камсыз кылынууда.

«Андан сырткары, Дүйнөлүк банк менен бирге кырсык боло турган жерде жашаган адамдарды ыкчам кабардар кылуу боюнча 3 млн долларлык долбоор иштелип чыкты», - дейт министр Кубатбек Боронов.

Эскерте кетсек, комиссиянын жеринен текшерүү жыйынтыгында жер титирөөнүн кесепетинен 609 турак жай 4 категорияда, 9 үй 5 кактегорияда жабыркаган деп табылып, аларды бузуу керек деген чечим кабыл алынган.

Булак: NazarNews.kg