Телевизордон муздаткычка, кондиционерден уюлдук телефонго чейин... Технология дегенде эле ойго биринчи келген компаниялардын бири Самсунг болсо керек. Көпчүлүк Самсунгду Apple, Facebook, Microsoft, Google жана Amazon сыяктуу технологиянын гиганттары аталган компаниялардын катарында көрөт. Ошентсе да, азыркы ийгиликке жетүү үчүн Самсунг түрдүү кыйын жолду басып өткөн.

1938-жылы Ли Бён Чхоль Кореяда азык-түлүк экспорттоочу фирма курууну пландайт. Андан соң, Кытайга кургатылган балык, ун, жашылча сыяктуу азыктарды экспорттой баштайт. Фирманы кеңейтүүнү каалаган Ли, бир эле азык-түлүк эмес башка тармактарды да өнүктүрүүнү көздөйт. Ошентип, 1950-60 жылдарда Самсунг камсыздандыруу жана текстиль  секторлоруна кирет.

Кийинчерээк телевизор өндүрүү иши кошулуп, алгачкы ак-кара телевизор 1970-жылы сатууга коюлган. Ошол эле жылы микротолкун, муздаткыч жана кир жуучу машина чыгара баштайт. Өндүрүштү кеңейтүүнү адатка айланткан компания нефтехимиялык тармактан тартып көп жагынан өнүгүүнү уланта берген.

Компанияга байланышкан бир уламышка ылайык Самсунг чыгарган биринчи уюлдук телефон 1995-жылы сатыкка чыкканда иштечү эмес. Муну уккан ошол кездеги компаниянын башчысы Кун Хи Ли фабрикага барып, ал жердеги бардык өндүрүмдөрдү өрттөп салган.

Кун Ли Хинин реакциясынан соң уюлдук телефон ишине олуттуу мамиле жасаган Самсунг, интернетке туташуучу телефонду 1999-жылы сатыкка чыгарат.

 

2000-жылдары HD телевизорлорун өндүрө баштаган Самсунг, учурдун эң мыкты HD телевизор өндүрүүчүсү болуп саналат.

2010-жылы Мобилдик дүйнө конгрессинде алгачкы андроид телефону аталган Galaxy Sти тааныткан.

2013-жылы болсо,  уюлдук телевизор CESтин бет ачаарын кылды.

Ал эми учурда маркетинг тармагындагы ийгилиги жана өндүрүмүнүн сапаттуулугу менен Самсунг бир нече атаандашынан алдыда турат. Компания Galaxy Note 7'лердин жарылышы боюнча көйгөйлөргө дуушар болгонуна карабастан кайра калыбына келип, өнүгүү жолунда.

 

Булак: NazarNews.kg