Кыргызстандын мурдагы президенти Курманбек Бакиев “Жаңы ордо” гезитине кайрадан маек берди. Ал, эгерде анын иши боюнча тергөөчүлөр Минскиге келишсе, алар менен жолугушууга даяр экенин билдирди.

Экс-президент Алмазбек Атамбаев тууралуу сөз “Жаңы Ордо” гезитинин журналисти Кыргызстандын экс-премьер-министри Азим Исабеков менен Минскиде жолукканынан улам чыкты. Ал 2007-жылдын башында өкмөттү жетектеп, Курманбек Бакиевдин кадрларынын бири болгон.

Бакиевдин айтымында, Алмазбек Атамбаев аны премьер-министрликке дайындоону суранган. Экс-президенттин айтымында, Атамбаев премьер-министрлик креслодо бир аз гана калып, бийлик менен оппозициянын ортосунда көпүрө болорун убада кылган. Акырында Бакиевди аны премьер-министрликке даындаган.

"Бир нече убакыт өткөндөн кийин мен аны кечки алты-жетиден кийин Ак үйдөн таппай калып жаттым. Мен ал кайда деп баарынан сурасам, үйүнө кетти деп жооп беришчү. Президент иш ордунда, ал эми премьер кетип калганы кантип болсун?", - деди Бакиев. .

Эки айдан кийин, качкын президенттин айтымында, Атамбаев өзү кызматтан тажагандыктан, анын отставкасын суранган. Бакиевдин айтымында, “Атамбаевдин жүзүн сактап, шерменде кылбашы үчүн” аны калып, ишин улантууга көндүргөн. Атамбаев бул кызматта 2007-жылдын аягына чейин иштеген.

Булак: NazarNews.kg