Беларустун Минск шаарында жашап жаткан Кыргызстандын мурдагы президенти Курманбек Бакиев чек ара чырында жабыркаган жарандарга көңүл айтып, накталай акча жөнөттү.

Бул тууралуу Шамурза Бөрүкулов атту жаран Facebook баракчасына жазып чыккан. Анда мындай деп айтылат: "Бакиев Курманбек Салиевич кечээ, 13-май, Рамазан айынын улуу Айт күнү Баткендеги каргашалуу окуяда жабыр тартып үй жайсыз калган жарандарга, каза болгон үй-бүлөлөргө, Мадина кызыбыздын ата-энесине, жарадар болгондорго салам дубасын түз жеткирдик. Аза кайгыларын тең бөлүшүп, 89 үй-бүлөгө 4 миллион 440 миң сом накталай акча каражатын Кудайдын ыраазычылыгы үчүн жиберген. Келген акчалай жардамды жабыркагандардын өз колдоруна тапшырдык" -  деп билдирген.

Булак: NazarNews.kg