Бүгүн, 26-февралда Жогорку Кеңештин жыйынында Жогорку Соттун Конституциялык палатасынын үч судьясынын талапкерлиги каралды.

Талапкерлер: Мукамбект Касымалиев, Латип Жумабаев, Мээргүл Бобукеева.

Депутат Курманкул Зулушев талапкерлерге чечим чыгарууда мыйзамды сактоого чакырды.

Мен сиздерге суроо эмес, калоо тилек катары айтып коеюн. Себеби, азыркы кесиптештердин суроосуна жооп берип жатканда мыйзамды сактап жатасыңар. Эгерде биз азыр ойду айтсак, бул ишти карап калсак, чыгарган чечим мыйзамсыз болот деп. Мен каалайт элем, сиздер судья болуп шайланып калсаңар, ушул принципти сактаңыздар...Мыйзамды бузуу аракеттерге барбашыңар керек...Кылмыш кодексинде кээ бир иштебеген беренелер бүгүн иштеп баштады. Мыйзамсыз чечим чыгарган соттор эртең жоопко тартыла турган күн да жакындап келе жатат. Ошондой абайлаңыздар”,-дейт депутат.

Булак: NazarNews.kg