Тегеран-Стамбул багытындагы учактагы 132 жүргүнчүлөрдүн арасында коронавирус жуктуруп алгандар болушу мүмкүн делинген негизде учак Анкара шаарына ыкчам конуу жасады. Бул тууралуу түрк басылмалары жазып чыкты.

Маалыматка караганда, "Turkish Airlines" аба компаниясына таандык учак Иранда жайылып жаткан коронавируска байланыштуу түрк жарандарын өлкөгө кайтарып алып келүүнү ишке ашырып жаткан. Бул учурда учактагы 17 жарандын дене табы көтөрүлүп, жөтөлүп жатканы байкалган. Мындан улам 132 жүргүнчүсү бар учак (жүргүнчүлөр жана борт кызматкерлери менен кошо) Анкарага конгондо дуушар болгон. Ал жерге конору менен "Тез жардам" унаалары курчап, жүргүнчүлөрдү атайын костюм кийген кызматкерлер медициналык жайга жеткирип, 2 аптага карантинге алышты.

Эске салса кетсек, учурда оорудан өлгөндөрдүн саны боюнча Кытайдан кийинки эле орунда Иран турат. Вирусту 95 киши жугузуп, анын ичинен 15си каза тапса, 10дон ашуун жарандын абалы оор экени айтылууда.

Булак: NazarNews.kg