www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргызстан калктын санына салыштырмалуу эркинен ажыратылган жарандардын саны боюнча дүйнөлүк рейтингде 145-орунду ээледи.
World Prison Brief уюмунун маалыматына ылайык, өлкөдө ар 100 миң калкка 112 камактагы адам туура келет.
Борбор Азия өлкөлөрүнүн ичинен эң жогорку көрсөткүч Түркмөнстанда катталган.
Анда ар 100 миң тургунга 576 эркинен ажыратылган адам туура келип, өлкө дүйнөлүк рейтингде төртүнчү орунда турат.
Коңшу мамлекеттер арасында Казакстанда бул көрсөткүч 163 адамды, Тажикстанда 145ти, Кыргызстанда 112ни, ал эми Өзбекстанда 85ти түзөт.
Дүйнөлүк рейтингде биринчи орунду Сальвадор ээлеп, анда ар 100 миң калкка 1659 камактагы адам туура келет. Алдыңкы бештикке ошондой эле Куба (794), Руанда (620), Түркмөнстан (576) жана АКШ (542) кирген.
Постсоветтик өлкөлөрдүн арасында көрсөткүч эң көп Азербайжанда жана Молдовада өскөн. Ал эми эң чоң төмөндөө Казакстанда катталган — көрсөткүч 184төн 163кө чейин азайган.
Рейтинг Лондон университетинин алдындагы кылмыштуулук жана сот адилеттиги саясатын изилдөө институтунун World Prison Brief маалымат базасынын негизинде түзүлгөн.
Анда камакка алынгандан кийин, камакта кармалган же соттун өкүмү менен эркинен ажыратылган адамдар тууралуу маалыматтар эске алынган.
< Предыдущий
Следующий >
Последние новости
