Кыргызстандын курама командасы киберспорттук DOTA 2 боюнча чемпионатка чыкты. Бул тууралуу Компьютердик спорт федерациясынын башкы катчысы Баяман Саймасаев билдирди.

Маалыматка ылайык, Биринчилик Яссы (Румыния) шаарында 25-августтан 3-сентябрга чейин болот. Тажрыйбалуу оюнчулардан турган ата мекендик команда Индия, Австралиянын курама командаларын уткан. Беттеш Сауд Арабиясында өткөн.

Белгилей кетсек, Dota — компьютердик командалык-стратегиялык көп жайылган оюндардын бири. Оюнчулардын максаты — персонаждардын согуштук тажрыйбаларын колдонуп, душмандын чебин талкалоо. Defense Of The Ancients (Dota) "байыркыларды коргоо" деген маанини билдирет. Dota киберспорттун дисциплинасы болуп эсептелет.

Булак: NazarNews.kg