Алдыдагы күз-кыш мезгилдеринде калктын электр энергиясына болгон муктаждыгы 16 миллиард 200 миллион киловатт-саатты түзөт бааланууда. Бул тууралуу энергетика министри Доскул Бекмурзаев билдирди.

Анын айтымында, калкты үзгүлтүксүз электр энергиясы менен камсыздоо максатында коңшу мамлекеттер менен импорттук келишимдер түзүлгөн. Күз-кыш мезгилинде Казакстандан 680 миллион киловатт-саат, Өзбекстандан 504 миллион, Түркмөнстандан 498 миллион киловатт-саат экспорттолот.

«Жалпысынан 2,7 миллиард киловатт-саат электр энергиясын импорттойбуз. Калгандары мамлекеттин ичинде өндүрүлөт. Мындан улам электр жарыгын өчүрүү каралган эмес”,-деп кошумчалады Доскул Бекмурзаев.

Ал тактап айтканда, 2,5 миллиард киловатт-саат өндүрүш ТЭЦтин үлүшүнө, 10,9 миллиард киловатт-саат ГЭСтин үлүшүнө берилген.

Булак: NazarNews.kg