АКШ президенти Джо Байдендин орус лидери Владимир Путинге карата айткан сөздөрү акылга сыйбас жана жоопкерчиликсиз болду. Бул тууралуу Кытайдын мамлекеттик басылмасы Global Times жазды.

Ага ылайык, америкалык үгүттөөчү жактардын ишти оңдоп-түзөө аракети оор мезгилде мындай катаал билдирүүлөр кырдаалды ого бетер курчутуп жибериши мүмкүн.

Макаланын авторлору Байден ишембиде орус президенти «бийликте кала албайт» деген сөзүнөн кийин Ак үй да, АКШнын айрым мыйзамгерлери да өз президенти койгон өрттү өчүрүүгө шашылышканын белгилешет.

Global Times Байдендин үгүттөө машинасы канчалык жакшы иштебесин, ал кыйын учурда мындай ачык билдирүү кырдаалды ого бетер курчутуп жибериши мүмкүн экенин баса белгилей албасын эскертти.

«Бул акылсыздык жана жоопкерчиликсиздик болду, бул АКШнын саясатындагы олуттуу көйгөйдү чагылдырат: кээ бир саясатчылар өздөрүнүн жеке нааразычылыгын улуттук деңгээлге алып чыгууда», - деп жазат Global Times.

Украинада кризис уланып жаткан учурда Америка президентинин билдирүүлөрү өтө кооптуу кесепеттерге алып келиши мүмкүн экени белгиленген.

Кытайдын Коомдук илимдер академиясынын изилдөөчүсү Лу Сян Байдендин билдирүүлөрүнө комментарий берип жатып, Путин Байден үчүн кандайдыр бир «тикенек» экенин белгиледи. Анткени 2014-жылы Байден Украина боюнча тышкы саясий чечимдерди кабыл алган адам катары маанилүү роль ойногон, бирок ал АКШ каалаган нерсеге жете алган жок. Эми украин кризиси кайрадан Байден үчүн көйгөйгө айланды.

«АКШ эл аралык деңгээлде жагымдуу ишараттарды жасады, бирок карапайым америкалыктар буга ишенишпейт», - дейт талдоочу.

Анын айтымында, америкалыктар 20 жылкы саздан жаңы эле кутулуп, эми андан да жаман болушу мүмкүн болгон дагы бир сазга туш болушу керек.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg