Кытай Орусияга чектелген аскердик жардам көрсөтүшү мүмкүн. Бул тууралуу NBS телеканалы өз булактарына таянып билдирди.

Маалыматтарга караганда, бул АКШда тынчсызданууну жаратты. Вашингтон ошондой эле Бээжиндин Орусияны чабуулчу курал менен камсыздоо мүмкүнчүлүгүн жокко чыгарбайт.

АКШнын мамлекеттик катчысы Энтони Блинкен бул маселени Кытай дипломатиясынын башчысы Ван И менен Мюнхен коопсуздук конференциясында талкуулады. Буга чейин Мамлекеттик департамент Блинкен кытайлык маектешине Кытайга аскердик жардамдын кесепети тууралуу эскерткенин билдирген.

NBS булактары Кытай Эл Республикасы Орусияга “жазгы чабуул” үчүн аскердик форма же бронетехника бериши мүмкүн экенин билдирди.