Тайвандын айланасындагы кырдаалдын курчушу фонунда Пекин Москванын “бир Кытай” принцибин колдогон билдирүүсүн жана Кытайдын эгемендигин бузган аракеттерге макул эместигин жогору баалай турганын Кытайдын тышкы иштер министри Ван И Орусиянын тышкы иштер министри Сергей Лавров менен болгон жолугушууда билдирди.

"Ван И Тайван маселеси боюнча Кытайдын туура позициясын ар тараптуу баяндап, Орусияны адегенде "Бир Кытай" принцибинин бекем колдоосун жана Кытайдын эгемендүүлүгүн жана аймактык бүтүндүгүн бузган ар кандай аракеттерге каршылыгын ырастаганы үчүн мактады", — деп айтылат билдирүүдө.

Кытайдын тышкы иштер министри бул Кытай менен Орусиянын стратегиялык кызматташтыгынын жогорку деңгээлин көрсөтүп жатканын белгиледи.

Ал Кытай узак мөөнөттүү коопсуздукка жана туруктуу өнүгүүгө жетишүү үчүн БУУнун борбордук ролу менен эл аралык системаны жана эл аралык укуктун негизинде дүйнөлүк тартипти коргоо үчүн Орусия менен бирге активдүү аракеттерди көрүүгө даяр экенин баса белгиледи.

Кытайдын Тышкы иштер министрлиги эки министр жалпы кызыкчылык туудурган бир катар аймактык жана эл аралык маселелерди, анын ичинде БРИКС кызматташтыгын, Корей жарым аралындагы кырдаалды жана Ирандын өзөктүк маселесин талкуулашканын билдирди.

Булак: NazarNews.kg