www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg

Кытай: Пара алган министр өлүм жазасына кесилди

Кытай: Пара алган министр өлүм жазасына кесилди

Журналист: NAZARNEWS
22.09.2022, 16:41
13525
|

Кытайдын соту өлкөнүн мурдагы юстиция министри жана Коомдук коопсуздук министрлигинин башчысынын мурдагы орун басары Фу Чжэнхуаны паракорчулук үчүн өлүм жазасына кести. Бул тууралуу РИА Новости Кытайдын борбордук телеканалына таянуу менен билдирди.

Телеканалдын маалыматына караганда, Цзилинь провинциясынын Чанчунь шаардык соту коррупциялык кылмыштар боюнча айыпталып, экс-министрге өкүм чыгарды.

"Фу Чжэнхуа паракорчулук үчүн өлүм жазасына тартылып, эки жылга эркинен ажыратылды", — деп айтылат өкүмдө.

Фу Чжэнхуа 117 миллион юаньдан ашык (болжол менен 16,5 миллион доллар) пара алганы айтылууда. Ошондой эле, соттун айтымында, ал инисинин кылмыштары боюнча далилдерди жашырып, бир катар адамдарга бизнес жүргүзүүгө жардам берген. Ошол эле учурда саясатчы күнөөсүн мойнуна алып, өкүнүп, мыйзамсыз алган акчасын да кайтарып берген.

9-июнда Чанчунь шаардык орто элдик соту Хуадян мамлекеттик корпорациясынын мурдагы башкы директору Юн Гонминди коррупция боюнча айыпталып, өлүм жазасына кескени кабарланган. Мындан тышкары, мамлекеттик корпорациянын экс-жетекчиси бардык мүлктүк жана саясий укуктардан ажыратылат.

Булак: NazarNews.kg



Поделитесь с друзьями