Кытай 2026-жылдан баштап төрөткө байланыштуу бардык медициналык чыгымдарды мамлекеттик бюджеттен жабууну пландап жатат. Өкмөт жаш жубайларды балалуу болууга үндөөнү көздөйт, деп билдирди Улуттук саламаттыкты сактоо башкармалыгы.

2026-жылга чейин төрөткө байланыштуу бардык медициналык кызматтар, анын ичинде төрөткө чейинки текшерүүлөр, өлкө боюнча толугу менен камтылат. Бул чаралар төрөт үчүн "чөнтөктөн акча чыгарбоо" системасын түзүүгө багытталган. Бул чечим Бээжиндин калктын азайышын токтотуу жана демографиялык өсүштү стимулдаштыруу саясатынын бир бөлүгү болуп саналат.

Маалыматтарга ылайык, Кытайдын калкы 2022-жылы ондогон жылдардан бери биринчи жолу азайган жана бул тенденция 2024-жылга чейин уланган. Адистердин божомолунда, калктын азайышы төрөттүн төмөндөшүнөн улам алдыдагы жылдары да улана берет. Бул жумушчу күчү азайып, калктын картайышы көбөйгөн сайын жергиликтүү өз алдынча башкаруу органдарына кошумча көйгө алып келиши мүмкүн.

Кытайдын төрөт көрсөткүчү 1980-жылдан 2015-жылга чейин бир балалуу болуу саясаты, ошондой эле тездик менен урбанизациялоо менен шартталган бир нече жылдан бери төмөндөп келет. Балдарды багуу жана билим берүү чыгымдарынын жогору болушу көптөгөн жаштарды үй-бүлө куруудан баш тартууда.

Цзилинь, Цзянсу жана Шаньдун провинциялары сыяктуу айрым аймактарда төрөттү дээрлик акысыз кылган саясат киргизилген. Кытай өкмөтү ошондой эле балдарды багуу боюнча субсидияларды жана акысыз мектепке чейинки билим берүүнү кеңейтүү планын жарыялады.

Расмий өкүлдөр ошондой эле декреттик өргүүнү узартуу, каржылык жана салык жеңилдиктерин берүү жана турак жай субсидияларын берүү менен жубайларды балалуу болууга үндөөгө аракет кылышкан.

Эске салсак, буга чейин Түштүк Кореянын президенти Ли Чжэ Мён төрөттү көбөйтүү үчүн жумуш убактысын кыскартуу жана 4 күндүк жумуш жумасына өтүү менен төрөттү көбөйтүүнү сунуштаган.

Камила Кабилова, Ташкен