Орусия менен Кытайдын аскердик кызматташтыгы эч бир өлкө үчүн коркунуч туудурбайт. Кытай Японияны провокацияларды токтотууга жана чыңалууну күчөтпөөгө чакырат. Бул тууралуу бүгүн Кытайдын Тышкы иштер министрлигинин расмий өкүлү Ван Вэньбин айтты. Бул тууралуу NazarNews маалыматтык агенттигине кытайлык CCTV plus агенттиги билдирди.

Дипломат Япония тарабынан мурда жарыяланган “Дипломатия боюнча көк китеп” аттуу расмий жылдык тышкы саясат баяндамасына комментарий берди, анда Кытайдын аскердик өнүгүүсү “эң чоң стратегиялык чакырык” деп аталды. Ошол эле учурда Токио Орусия менен Кытайдын ортосундагы аскерий байланыштын чыңдалышына тынчсызданууда.

“Кытай-орус аскердик кызматташтыгы боюнча биз өз позициябызды бир нече жолу билдиргенбиз. Тиешелүү кызматташтык үчүнчү тараптарга каршы багытталган эмес, ал эл аралык укукка жана эл аралык практикага толугу менен шайкеш келет, эч бир өлкөгө коркунуч туудурбайт”, - деп баса белгиледи Ван Вэнбин.

Кытайдын Тышкы иштер министрлигинин өкүлү Японияны жоопкерчиликсиз билдирүүлөрдү жасабоого жана “аймактык чыңалууну күчөтүү боюнча жаңылыш практиканы оңдоого” үндөдү.

“Япония провокациялоону жана блоктук конфронтацияны жасалма жол менен түзүүнү токтотуп, Кытай менен конструктивдүү жана туруктуу мамилелердин позициясын түзүп, аны реалдуу иш-аракеттер менен ишке ашыруусу керек”, - деди ал.

Эске сла кетсек, Кытайдын төрагасы Си Цзиньпин март айында Орусияга болгон иш сапарында биргелешкен өнөктөштүк билдирүүсүнө кол койгон. Орусия менен Кытай каржы, өнөр жай жана технологиялык, транспорт жана логистика сыяктуу сегиз стратегиялык багытта байланыштарды тереңдетүүнү макулдашты. Ошол эле маалда батыш медиасы Си Цзиньпиндин Москвага болгон иш сапарынын бир жыйынтыгын Орусия менен Кытайдын жакындашуусунан улам кооптонууну күчөттү деп атады.

Өз кезегинде КЭР Коргоо министрлиги Кытай армиясы Россия Федерациясы менен аскердик чөйрөдө өз ара ишенимди бекемдөө жана аймактык тынчтыкты жана коопсуздукту сактоо, ошондой эле глобалдык коопсуздук идеяларын ишке ашыруу үчүн биргелешип иштөөгө даяр экендигин билдирди. Кытай армиясы да Россия Федерациясы менен бирге эл аралык адилеттүүлүктү коргоого даяр.

Булак: NazarNews.kg